Астанада 16 жастағы қыз биіктен құлап көз жұмды

Астанада қыз биіктен құлап мерт болды, деп хабарлайды Bugin.kz порталы. 

Қайғылы оқиға 9 ақпанда Кенесары мен Уәлиханов көшелері қиылысындағы көпқабатты үйдің бірінде болған. Қыз құлаған орынға куәгерлер жиналды. Олар мерт болған қыздың 16 жаста екенін, ол 16 қабаттан құлағанын айтты. 

Астана полиция департаментінің баспасөз қызметі елорда тұрғынының өліміне қатысты қылмыстық іс қозғалғанын хабарлады.

“Болған оқиғаның мән-жайын анықтау бойынша жұмыстар жүргізіліп жатыр”, - деді ведомство өкілдері.

Еске салайық, бұған дейін 16 жастағы жасөспірім өгей әкесінен бала босанғанын хабарлаған едік.