Damumed жүйелеріне заңсыз қол сұққандар анықталды

Жетісу облысының екі тұрғыны Damumed жүйесіне заңсыз қолжеткізген, деп хабарлайды Bugin.kz порталы. 

ҰҚК прокуратураның үйлестіруімен Жетісу облысының екі тұрғынына қатысты Денсаулық сақтау министрлігінің ақпараттық жүйелеріне заңсыз қолжеткізу дерегі бойынша қылмыстық істі тергеуді аяқтады. 

"30 қаңтарда Талдықорған сотының шешімі бойынша, олар Қылмыстық кодекстің 205-бабы 2-бөлігінде және 208-бабы 2-бөлігінде көзделген қылмыстарды жасағаны үшін кінәлі деп танылып, 300 айлық есептік көрсеткіш мөлшерінде айыппұл салуға сотталды", - делінген хабарламады.

Тергеу барысында медициналық қызметкерлердің тіркелгілерін заңсыз иемдену арқылы олардың ҚР Денсаулық сақтау министрлігінің "Тіркелген халық тізілімі" және Damumed ақпараттық жүйелеріне заңсыз қолжеткізгені анықталғаны айтылды.