Қазақстан жемқорлық деңгейі жоғары елдердің санатына енді

Қазақстан жемқорлық деңгейі бойынша былтырғы көрсеткіштен бір ұпайға жоғары көтерілді, деп хабарлайды Bugin.kz порталы. 

Transparency International ұйымы жасаған тізімде еліміз 180 елдің ішінде 88-орынға ие болды. Жалпы ел 100-ден 40 ұпай жинады. Бұл 2023 жылғы көрсеткіштен тура бір ұпайға артық.

Проблемалық салалардың қатарында сот жүйесі, атқарушы билік және бюджет қаражатының мақсатсыз пайдаланылуы бар.

Transparency International ұйымының Қазақстанға ұсынымдары: 

Бюджет қаражатының жұмсалуын қадағалауды күшейту (цифрлық технологияларды қолдану арқылы); 

Демократиялық реформалар жүргізу; 

Сөз бостандығын, журналистер мен сыбайлас жемқорлықты зерттеушілердің құқығын қорғау; 

Сыбайлас жемқорлық қылмыстары үшін жазаны қатаңдату; 

Заңсыз алынған активтерді қайтару процесін ашық өткізу.

Қазақстан сыбайлас жемқорлық бойынша Түрікменстан (165-орын), Тәжікстан (164), Қырғызстан (146) және Өзбекстаннан (121) жоғары тұр.