“Мектепте бомба бар!”: Павлодар мектептеріне анонимді қоңыраулар түсті

Павлодар мектептеріне анонимді қоңыраулар түсті. Жағдай бақылауда, деп хабарлайды Bugin.kz порталы. 

Бүгін, 13 ақпан күні сағат 10:45-те №39 мектеп директоры белгісіз адамның қоңырау шалып, ғимаратта бомба барын хабарлағанын айтты.

Алгоритмге сәйкес, ақпарат полицияға жеткізіліп, эвакуация басталды. Кейін осындай қоңыраулар Павлодардың тағы бірнеше мектебіне түскен. 

Оқушылар қашықтан оқыту форматына ауыстырылды. Жағдай білім басқармасының бақылауында.