Алматыда көлік жаяу жүргіншіні қағып кетті

Алматыда 13 ақпанда Mercedes жүргізушісі ер адамды қағып кетті, деп хабарлайды Bugin.kz порталы. 

Жол-көлік оқиғасы кешкі сағат 21:00 шамасында Жетісу ауданында болған. Куәгерлер жаяу жүргінші белгіленбеген жерден жолды кесіп өтпек болғанын айтады. 

"Mercedes жүргізушісі Назарбаев даңғылы бойымен келе жатып, алдын ала мәлімет бойынша, белгіленбеген жерден жолды кесіп өтпек болған жаяу жүргіншіні қағып кеткен. 1984 жылы туған зардап шегуші жарақат алып, ауруханаға жеткізілді", – деп хабарлады Алматы қалалық полиция департаменті.