ҚОҒАМ

Екібастұзда сауда орталығының төбесі опырылып түсті (ВИДЕО)

Авторларды қолдау орталығы

mediabugin@gmail.com

Фото: Видеодан алынған скриншот

Екібастұзда “Maxi Mall” сауда үйінің ғимарат ішінде аспалы төбе құлады, деп хабарлайды Bugin.kz порталы. 

Видеоны мына сілтемеден көресіз.
Бұл жағдай кеше, 16 ақпан күні болды.

“М.Әуезов көшесі бойындағы сауда үйлерінің бірінде 150 шаршы метр алаңда аспалы төбе опырылды. Оқиға орнында шұғыл қызметтер жұмыс істеуде”, - деп хабарлады ТЖМ.

Павлодар облысы ТЖД баспасөз қызметі мәліметінше, медициналық көмекке жүгінген бес адамның арасында 2008 және 2009 жылы туған балалар болған.

"Зардап шеккендер түрлі жарақаттар алған, алайда ауруханаға жатқызуды қажет етпейді", - деп нақтылады Екібастұз әкімдігі өкілі.

Облыстың денсаулық сақтау басқармасы мәліметінше, зардап шеккендерге амбулаториялық ем тағайындалған.

ТЖД өкілі сауда орталығы болған жағдайдың барлық мән-жайын анықтау үшін жабылғанын айтты. Аспалы төбенің бір бөлігі фуд-корт аймағындағы үшінші қабатта опырылған.