Пәтерде адам азаптаған полицейлерге үкім шықты

Алматыда күдіктіні азаптаған екі полицей сотталды, деп хабарлайды Bugin.kz порталы. 

Мәліметтер бойынша, 2023 жылы 29 наурызда полиция қызметкерлері бірінің туысының пәтерінде жәбірленушіні бөтеннің мүлкін ұрлағанын мойындату үшін азаптаған. Нәтижесінде жәбірленуші азапталған. 

“Кінәні мойындау туралы процестік келісімін ескере отырып, сот үкімімен сотталушыларға 3 жыл 6 ай мерзімге шартты түрде бас бостандығынан айыру жазасы тағайындалып, пробациялық бақылау белгіленді”, – деп жазылған сот хабарламасында.

Полицейлер арнаулы атақтарынан және мемлекеттік қызметте жұмыс істеу құқығынан айырылды. 

Үкім заңды күшіне енді.