Астанада лифтте шабуылға ұшыраған бала ауруханадан шығады

Астанада дәрігер лифтте пышақ жарақатын алған 5 жасар баланың жағдайы жақсарғанын мәлімдеді, деп хабарлайды Bugin.kz порталы. 

Дәрігер Юсуп Гусейновтың айтуынша, беті пышақталған бүлдіршіннің жағдайы дұрысталған.

“Бүгін тігістер алынды. Баланың жағдайы қанағаттанарлық, бала белсенді. Тексерістен кейін бүлдіршінді шығару туралы ойлануға болады", – деді "№2 көпсалалы қалалық балалар ауруханасы" жақ-бет хирургиясы бөлімінің меңгерушісі Юсуп Гусейнов.

Еске салайық, Астанада психоневрологиялық диспансерде есепте тұрған жасөспірім лифтте баланың бетіне пышақ жарақатын салғанын хабарлаған едік. Қазіргі таңда зардап шеккен бала ауруханаға жатқызылды, оған қажетті медициналық көмек көрсетіліп жатыр. 

5 жастағы Батырдың анасы да оқиғаның мән-жайын айтып берген еді.