Каспий құбыр желісі нысанын дрондар атқылады

Қазақ мұнайын батысқа жеткізетін Каспий құбыр желісін дрондар атқылады, деп хабарлайды Bugin.kz порталы. 

Бұл туралы компанияның баспасөз қызметі хабарлады. Бүгін, 17 ақпанда Каспий құбыр консорциумының (КҚК) мұнай тасымалдау нысаны – “Кропоткинская” мұнай айдау станциясына ұшқышсыз ұшу аппараты шабуыл жасады. Террористік шабуыл жеті ұшқышсыз ұшу аппаратымен жасалды. 

Олар жарылғыш заттардан бөлек металл зақымдайтын элементтермен толтырылған. 

“Шабуыл арасына уақыт салып жасалды. Осылайша нысанның жұмысын тоқтатуды ғана емес, станциядағы операциялық қызметкерлерге зиян тигізуді мақсат етті. інің арасында құрбандар тудыру мақсатында бағытталған. Мұнай айдау станциясының қызметкерлері арасында зардап шеккендер жоқ. Консорциум қызметкерлерінің үйлесімді әрекетінің нәтижесінде мұнай ағып кетуге жол берілмеді”, - делінген Каспий құбыр консорциумы таратқан ақпаратта.

Оқиға орнына компания басшылығы аттанған. Қазір “Кропоткинская” станциясы эксплуатациядан шығарылды.