Сабақ оқымаған қызын пышақтаған әйел сотталды

Қызын сабақ оқымағаны үшін пышақтаған әйел 6 жылға сотталды, деп хабарлайды Bugin.kz порталы. 

Оқиға 2024 жылдың күзінде болған. Көпбалалы ана дәптерді таза ұстамағаны үшін 11 жастағы қызының жамбас тұсына пышақ сұғып жарақаттады. Оқушы ауыр хәлде аудандық ауруханаға жеткізілді. Қызын аямаған ананың үстінен қылмыстық іс қозғалғып, бүгін, 18 ақпан күні оған сот үкімі шықты. 

Әйелдің жүкті екені ескеріліп 6 жылға сотталды. Әйел өз кінәсін толық мойындап, тағылған айыпқа қарсы шықпады. Ол жазасын жалпы режимдегі түзеу мекемесінде өтейді.