Тағы бір қаржылық пирамиданың басшылары ұсталды

Қаржылық мониторинг агенттігі тұтыну кооперативінің атын жамылған "Asar Baspana" қаржы пирамидасының заңсыз қызметін тоқтатты, деп хабарлайды Bugin.kz порталы. 

Қаржы пирамидасын ұйымдастырушылар салымшыларға жылжымайтын мүлікті, көлік құралдарын, сондай-ақ тұрмыстық өнімдерді сатып алу үшін қаражат салуды ұсынған. Ал қарымына ай сайын салынған соманың 30% - на дейін пайда табуға уәде берген.

Компаниялардың кеңселерінде және күдіктілердің тұрғылықты жері бойынша жүргізілген тінту барысында 1,2 млрд теңгеден астам сомада қолма-қол ақша және  ішінде премиум класты көліктер бар 13 автомашина тәркіленді.

Екі қаржылық пирамида ұйымдастырушы ұсталып, оларға қатысты сот екі ай мерзімге қамауға алу түріндегі іс-шара санкциялады. Сотқа дейінгі тергеу жалғасуда.