Астанадағы лифтідегі оқиға: жасөспірім оқшауланбайтын болды

Денсаулық сақтау вице-министрі Ержан Нұрлыбаев Астанадағы лифтіде 5 жасар балаға жасалған шабуылға қатысты пікір білдірді, деп хабарлайды Bugin.kz порталы. 

Шенеуніктің сөзінше, қазір Денсаулық сақтау министрлігі қызметтік тергеу жүргізіп жатыр. Ол психикалық ауруы бар балалардың қамқоршылары оларды үнемі бақылауда ұстауға міндетті екенін айтты. 

"Емдеуді бақылайтын және жүргізетіндер тарапынан ешқандай заң бұзушылықтар жоқ. Тағайындалған емнің өз әсері болды. Бұл ауруханаға жатқызу кезінде бірнеше рет расталды", – деді Нұрлыбаев.

Сонымен қатар ол емдеу тиімді болғандықтан жасөспірімнің оқшауланатын топқа жатпайтынын атап өтті.

"Егер емдеу тиімді болғандықтан және бұл бірнеше рет дәлелдегендіктен ол әлеуметпен араласа алады", — деді вице-министр.

Вице-министр балаға шабуыл жасаған жасөспірімді емдеген дәрігерлер тарапынан ешқандай қате кетпегеніне сендірді.

Еске салайық, 11 ақпан күні Астанада 14 жастағы жасөспірім лифтіде 5 жасар балаға пышақпен шабуыл жасады. Оқиғаны тергеу кезінде кәмелет жасына толмаған жасөспірім психоневрологиялық диспансерде есепте тұрғаны анықталған.