Павлодарда мас күзетші мектеп оқушысын соққыға жықты

Павлодарда мектеп күзетшісі алтыншы сынып оқушысын ұрды, деп хабарлайды Bugin.kz порталы.

Ақпаратты аймақтағы полиция департаментінің баспасөз қызметі растады. 

Облыстық полицияның хабарлауынша, мектеп күзетшісі мас күйінде алтыншы сынып оқушысының кеуде тұсын соққылаған. Оқиға 19 ақпан күні болды. 

Соққы салдарынан оқушы ауруханаға жүгінуге мәжбүр болған. Күзетші медициналық айықтырғыш мекемесіне орналастырылды. 

Ол қоғамдық орында мас болып жүргені үшін жауапқа тартылды. Оған айыппұл салынды. 

Сондай-ақ полиция білім басқармасына мектеп басшылығын жауапкершілікке тарту туралы ұсыныс жолдады.