Қарағанды облысындағы ауданда төтенше жағдай жарияланды

Қарағанды облысы Шет ауданында энергиямен жабдықтау жағдайына байланысты жергілікті ауқымдағы төтенше жағдай режимі енгізілді. Ауданда электр қуатын беруге шектеу қойылды, деп хабарлайды Bugin.kz порталы. 

Қарағанды облысы әкімдігінің баспасөз қызметінің мәліметінше, ауданды электр энергиясымен қамтамасыз етіп отырған "Шет-Энерго" компаниясы "Жезқазған электр тарату желісі" компаниясының электр энергиясын беру жөніндегі талаптарын орындаған. Нәтижесінде ауданда электр қуатын беруге шектеу қойылды. Бұл туралы Шет ауданының әкімі әлеуметтік желідегі парақшасында хабарлаған. "Шет-Энерго" көп жыл бойы электр желілерін жаңғыртуға қаражат салмаған көрінеді. Бұл энергиямен жабдықтауда жүйелі мәселелер туындатты.

"Тұрғындар жарықтың жиі өшірілуінен зардап шегеді, тек жарықсыз ғана емес, жылусыз да қалады. Тұрақты ескертулерге қарамастан "Шет-Энерго" қызметінің сапасы жақсармай тұр. Қалпына келтіру үшін жергілікті ауқымдағы төтенше жағдай режимін жариялады", - делінген хабарламада. 

Жергілікті билік өкілдерінің айтуынша, бұл қадам энергиямен жабдықтау саласында тәртіп орнатуға, сапалы қызметті қамтамасыз етуге бағытталған.