Қыстың соңғы күндері ауа райы қандай болады?

"Қазгидромет" синоптиктері 25, 26 және 27 ақпанда Қазақстанда ауа райы қандай болатыны туралы болжам жасады, деп хабарлайды Bugin.kz порталы. 

Болжамға сәйкес, алдағы күндері Қазақстанның басым бөлігінде ауа райына оңтүстік циклон әсер етеді. Жаңбыр және қар түрінде жауын-шашын болады, 25-26 ақпан күндері оңтүстікте, 26 ақпан – 27 ақпан түнінде оңтүстік-шығыс аймақтарда жауын-шашын (жаңбыр, қар) болады, тау бөктерлерінде қар жауады. Жауын-шашынмен бірге желдің күшеюі, боран және көктайғақ күтіледі. Қазақстан бойынша тұман болжанған.

"Түнгі уақытта ауа температурасының төмендеуі күтіледі: солтүстікте, солтүстік-батыста, елдің орталығында 8-18 градус аяз, оңтүстікте, оңтүстік-шығыста 5-12 градус аяз, шығыста 15-20 градусқа дейін көтеріледі, ал өңірдің оңтүстігінде 5 градус аяз болады", – делінген хабарламада.