Жемқорлардан тәркіленген қаражатқа 30-ға жуық мектеп салынады

Жемқорлардан тәркіленген қаражатқа тағы 28 мектеп салынатын болды, деп хабарлайды Bugin.kz порталы. 

Оқу-ағарту министрлігінің хабарлауынша, білім ордалары 22 мың оқушы орнына арналған.

“Мемлекет балалар үшін қолайлы жағдай жасауға ерекше көңіл бөліп келелі. Бүгінгі таңда 74,4 мың орындық 61 мектеп пайдалануға берілді, оның 29-ы ауылдық елді мекендерде орналасқан”, - деді Инфрақұрылымды дамыту департаментінің басқарма басшысы Жайық Махсутов.

2024 жылы Білім беру инфрақұрылымын қолдау қоры есебінен 25 мектеп салынған. Олардың басым бөлігі Астана қаласында және Маңғыстау, Алматы, Жамбыл облыстарында орналасқан.