Бала зорлаған экс-депутат өмір бойына бас бостандығынан айырылуы мүмкін

Жетісу облысында жеті жасар баланы зорлады деп айыпталған Серікқан Жақыпов өмір бойы бас бостандығынан айырылуы мүмкін, деп хабарлайды Bugin.kz порталы. 

Еске салайық, экс-депутат пен Ақсу аудандық әкімі аппаратының бұрынғы басшысы өткен жылдың жазында ұсталды. Экс-депутат жеті жасар туысқанының ұлын зорлады деп айыпталды. Осы іс бойынша шенеунікке арыз жазған. Сараптама қорытындысы айыпты растады.

Жетісу облыстық сотында жарыссөздер өтті. Мемлекеттік айыптаушы Ерлен Жантасов Жақыповқа өмір бойы бас бостандығынан айыруды сұрады. Үкім жақын күндері шығады.

Серікқан Жақыпов 2020 жылдың күзіне дейін Ақсу аудандық әкімі аппаратының басшысы болған. 2021 жылы мемлекеттік қызметшілер этикасы жөніндегі уәкіл болып қызмет атқарды. Ал 2024 жылдың 31 наурызында аудандық мәслихат депутаты болып сайланды.