Берденовтің орнына мәжіліске кім келді?

Руслан Берденов депутаттық лауазымынан босады. Оның орнына Екатерина Смолякова келді, деп хабарлайды Bugin.kz порталы. 

Екатерина Смолякова Respublica партиясының мүшесі. 

"Орталық сайлау комиссиясынан хабар түсті. ОСК қаулысымен мәжіліс депутаты ретінде Respublica партиясынан Екатерина Смолякова тіркеліп, қатарымызға қосылды”, - деді Ерлан Қошанов.

Екатерина Смолякова Мәжіліс депутаты ретінде ант қабылдап, Әлеуметтік-мәдени даму комитетінің мүшесі болып сайланды.

Еске салайық, депутат Руслан Берденов депутаттық лауазымынан уақытынан бұрын босап, Шымкент қаласы әкімінің орынбасары болып тағайындалғанын хабарлаған едік.