Қазақстанда ең жоғарғы зейнетақы қанша екені белгілі болды

Қазақстанда Бірыңғай жинақтаушы зейнетақы қорынан берілетін ай сайынғы төлемнің ең жоғарғы сомасы жарияланды, деп хабарлайды Bugin.kz БЖЗҚ-ның ресми сайтына сілтеме жасап. 

"Зейнет жасына толуына байланысты БЖЗҚ-дан берілетін орташа айлық төлем – 35 523 теңге, ал ай сайынғы төлемнің ең жоғарғы сомасы – 993 040 теңге", - делінген БЖЗҚ хабарламасында. 

Қордың мәліметінше, 2025 жылғы 1 ақпандағы жағдай бойынша азаматтардың БЖЗҚ-дағы зейнетақы шоттарындағы зейнетақы активтері 22,64 трлн теңгеге жеткен. Соңғы 12 ай ішінде зейнетақы активтері 4,52 трлн астам теңгеге (немесе 25 пайызға) өскен. Ал БЖЗҚ-дағы зейнетақы шоттарының жалпы саны 2025 жылғы 1 ақпандағы жағдай бойынша 17,24 млн бірлікті құрап отыр.