Президент жанындағы мемлекеттік басқару академиясының ректоры қызметінен кетті

Президенттің жанындағы мемлекеттік басқару академиясының ректоры Әбіл Ерлан Қуанышұлы қызметінен кетті, деп хабарлайды Bugin.kz порталы. 

Бұл туралы Ақордадың баспасөз қызметі хабарлады. 

"Мемлекет басшысының өкімімен Ерлан Қуанышұлы Әбіл Қазақстан Республикасы президентінің жанындағы мемлекеттік басқару академиясының ректоры лауазымынан босатылды", - деп хабарлады Ақорда. 

Әбіл Ерлан Қуанышұлы 1973 жылы Жезқазған қаласында туған. Жезқазған тау-кен технологиялық институтын бітірген. Ол 2019 жылғы 21 тамызда мемлекет басшысының өкімімен Қазақстан Республикасы президентінің жанындағы мемлекеттік басқару академиясының ректоры болып тағайындалған еді.