Ақтауда 15 жастағы оқушыны қатарластары соққыға жықты

Ақтауда 15 жастағы оқушыны қатарластары жабылып соққыға жыққан. Ауыр жарақат алған жасөспірім облыстық балалар ауруханасына жеткізілді, деп хабарлайды Bugin.kz порталы.

Төбелес қаладағы №10 мектепте болған. Төбелескен жасөспірімдер неге ондай әрекетке барғанын айтпай отыр. 

"Қатар сыныптағы оқушылармен келіспей қалып, №15 үйдің қасында осындай жағдай болған. Жасөспірімдер себебін айтпай отыр. Мектепішілік есепке алдық. 11-шағын ауданның инспекторын шақырып, түсіндіру жұмыстары жүргізілді", - деді мектеп директорының міндетін атқарушы Нәзира Ақбержанова.

Қазір сыныптасын ұрған үш жасөспірім жауапқа тартылып, мектеп инспекторының бақылауына алынды.