Жанар-жағармайды елден шығаруға салынған тыйым тағы ұзартылуы мүмкін

Қазақстанда дизель отыны мен жанар-жағармайды елден шығаруға салынған тыйым тағы жарты жылға ұзартылуы мүмкін, деп хабарлайды Bugin.kz порталы. 

Бұл туралы энергетика министрлігі әзірлеген бұйрық жобасында көрсетілген.

29 наурыздан бастап мұнай өнімдерін автомобиль және теміржол арқылы елден әкетуге 6 ай мерзімге тыйым салу көзделген. Бұл тыйым ЕАЭО елдеріне де қатысты екенін мәлімдейміз.

Мұндай шешімге келуге ішкі нарықта қалған өнімнің азаюы себеп болған. 

"Бүгінде елімізде АИ-92 бензині мен дизель отынын тұтынудың өсуі байқалады. Құқық қорғау органдарының ақпараты бойынша, жанар-жағармай материалдарының ай сайынғы экспорты мен пайдалану көлемі 10 – нан 45 мың тоннаға дейін жетеді», - деп жазылған құжатта.