Қанат Шарлапаев өнеркәсіп және құрылыс министрі қызметінен кетті

Қанат Шарлапаев өнеркәсіп және құрылыс министрі қызметінен кетіп, басқа лауазымға ие болды, деп хабарлайды Bugin.kz порталы. 

28 ақпанда Қазақстан президенті Қасым-Жомарт Тоқаев оны өзіне экономикалық мәселелер жөніндегі көмекші етіп тағайындады.

"Мемлекет басшысының Жарлығымен Қанат Бисимбайұлы Шарлапаев Қазақстан Республикасы Президентінің экономикалық мәселелер жөніндегі көмекшісі болып тағайындалды, ол бұрынғы атқарған лауазымынан босатылды", - делінген Ақорда хабарламасында. 

Шарлапаев өнеркәсіп және құрылыс министрлігін 2023 жылғы кыркүйектен бері басқарған. Оған дейін "Бәйтерек" холдингінің басқарма төрағасы болған.