Талдықорғанда мектеп оқушысы 21 жастағы жігітті мойнынан пышақтаған (ВИДЕО)

Талдықорғанда 17 жастағы жасөспірім пышақпен шабуыл жасады деген күдікке ілінді, деп хабарлайды Bugin.kz порталы.

Видеоны мына сілтемеден көресіз.

Жетісу облысы полиция департаментінің баспасөз қызметі оның ұсталғанын растады. Полиция дене жарақатын салу фактісі бойынша қылмыстық іс қозғады.

“Кәмелетке толмаған бала мамандандырылған есепке қойылды. Ал білім бөліміне тиісті ұсыныс жіберілді. Тергеу аяқталғаннан кейін жасөспірімнің ата – аналары баланы тәрбиелеу жөніндегі міндеттерді тиісінше орындамағаны үшін әкімшілік жауапкершілікке тартылады”, деп хабарлады ведомстводан.

Тергеу жалғасып жатыр. Расталмаған ақпаратқа сәйкес, он бірінші сынып оқушысы қақтығыс кезінде 21 жастағы жігіттің мойнына және кеудесіне пышақ жарақатын салған. Жәбірленуші ауруханада жатыр.