Нұрлан Нығматулиннің ағасына іздеу жарияланды

Мәжілістің экс-төрағасы Нұрлан Нығматулиннің 69 жастағы ағасы Арғын Нығматулинге іздеу жарияланды, деп хабарлайды Bugin.kz порталы.

Бұл туралы ақпарат Бас прокуратураның "Қылмыскерлерді іздеу" бөлімінде жарияланған. Ресми дерекке сәйкес, іздеуді прокуратура бастамалап, тергеу жұмыстарын Сыбайлас жемқорлыққа қарсы іс-қимыл агенттігі (Антикор) жүргізіп жатыр.

"1955 жылы туған, Қазақстан Республикасының азаматы, қазақ ұлтының өкілі. Іздестіру ісі 2025 жылдың 3 наурызында Астана өңірінде тіркелген", – делінген хабарламада.

Айта кетейік, Арғын Нығматулин – Нұрлан және Ерлан Нығматулиндердің ағасы. Ол кезінде «Сарыарқа» Қарағанды хоккей клубының негізін қалаған және басқарған. Алайда 2018 жылы клуб директоры қызметінен кеткен.