Қазақстан халқының саны 20,3 миллионнан асты

Ұлттық статистика бюросы 2025 жылғы 1 ақпандағы халық санына қатысты жаңартылған мәліметтерді жариялады, деп хабарлайды Bugin.kz.

Ресми деректерге сәйкес, Қазақстан тұрғындарының жалпы саны 20 300 618 адамға жеткен. Оның ішінде:

Қала халқы – 12 795 502 адам

Ауыл халқы – 7 505 116 адам

Айта кетейік, соңғы бір айда ел тұрғындарының саны 14 534 адамға артқан.

Сонымен қатар, әйелдер саны ерлерден 462 136 адамға көп екені анықталды:

Әйелдер – 10 381 377 адам

Ерлер – 9 919 241 адам

Қазақстанның халық саны бойынша ең тығыз қоныстанған өңірлері Алматы және Түркістан облыстары болып қала береді. Алматы облысында 2 297 491 адам, ал Түркістан облысында 2 154 144 адам тұрады.

Елорда – Астана тұрғындарының саны 1 536 924 адамға, ал Қазақстанның үшінші мегаполисі – Шымкетте бұл көрсеткіш 1 258 878 адамға жеткен.

Еске салсақ, 2024 жылдың 1 желтоқсанына қарай Қазақстан халқының саны 20 265 320 адамды, ал 2025 жылдың 1 қаңтарына қарай 20 286 084 адамды құраған еді.