САЯСАТ
Фото: vecher.kz
Алматы қалалық коммуналдық инфрақұрылымды дамыту басқармасы басшысының орынбасары Нұрбол Қажин жемқорлық ісі бойынша алты жылға бас бостандығынан айырылды, деп хабарлайды Bugin.kz порталы.
"Мемлекет басшысының тапсырмасына сәйкес, Сыбайлас жемқорлыққа қарсы іс-қимыл агенттігі заңдылық пен тәртіпті қамтамасыз етуге ерекше назар аударады. Осы орайда, Алматы қаласының Медеу аудандық соты коммуналдық инфрақұрылымды дамыту басқармасы басшысының орынбасары Нұрбол Қажинге қатысты үкім шығарды. Ол кәсіпкерден 19,5 миллион теңге көлемінде пара алғаны үшін кінәлі деп танылды. Қажин бұл соманы аулаларды санитарлық тазалау бойынша мемлекеттік сатып алу келісімшарттарын рәсімдеуге көмектесемін деген сылтаумен алған", – деп хабарлады Сыбайлас жемқорлыққа қарсы қызметтің баспасөз қызметі.
Сот шешімімен Қажин алты жылға бас бостандығынан айырылып, өмір бойына мемлекеттік қызметте және мемлекеттік сектордағы ұйымдарда жұмыс істеу құқығынан айырылды.
Сондай-ақ сот үкімімен оның құны 21 миллион теңгеден асатын екі автокөлігі тәркіленіп, мемлекеттік кіріс ретінде алынатын болды.
Bugin.kz
Қосымшаны жүктеп алыңыз
