"Жетісу" футбол клубының директоры сотталды

Талдықорған қалалық соты "Жетісу" футбол клубы» КМҚК директоры Қалмұхамет Донсебаевқа қатысты үкім шығарды, деп хабарлайды Bugin.kz порталы.

Ол оқу-жаттығу жиындары кезінде клуб футболшыларының тамақтануына бөлінген 31,9 миллион теңге бюджет қаражатын жымқырды деп танылды.

Сот шешімі бойынша, келтірілген шығын толық өтелгенін және сотталушының денсаулық жағдайын ескере отырып, Донсебаевқа 7 жылға бас бостандығын шектеу жазасы тағайындалды. Сонымен қатар, ол өмір бойы мемлекеттік қызметте және квазимемлекеттік секторда жұмыс істеу құқығынан айырылды.

Үкім заңды күшіне енді.