Павлодар облысында Қазақстан темір жолы қызметкері есірткімен ұсталды

Павлодар облысында есірткі таратқан ҚТЖ қызметкері ұсталды, деп хабарлайды Bugin.kz порталы.

Жедел іздестіру кешенін өткізу барысында есірткі өткізумен айналысқан қаланың екі тұрғыны қолға түскен.

Ұсталғандардың бірі "ҚТЖ - Жүк тасымалы" ЖШС қызметкері екені белгілі болды. Тінту барысында шамамен 700 грамм есірткі тәркіленді, электрон таразы, электрошокер, пневматикалық мылтық, 2 мылтық және оқ-дәрі алынды.

Қылмыстық кодекстің екі бабы бойынша полиция қылмыстық іс қозғады. Күдіктілер қамауға алынды, - деді Павлодар облысы Полиция департаменті өкілі.