БІЛІМ

Ойыншыдан ойшылға: Алматыда үздік пікірсайысшы студенттер ТЭО CUP XIV турнирінде бақ сынамақ

Авторларды қолдау орталығы

mediabugin@gmail.com

Фото: ТЭО

Республиканың барлық пікірсайыс клубтарын қамтитын ТЭО CUP XIV турнирі 2025 жылы 5-6 сәуір аралығында Алматы қаласы Нархоз университетінде өтеді, деп хабарлайды Bugin.kz порталы.  

ТЭО CUP Республикалық турнирі – ТЭО ЖПМ дәстүрі бойынша жыл сайын ұйымдастырылатын республикалық турнир. ТЭО CUP – республикадағы дебат клубтары арасындағы ауқымды, танымал турнирлердің бірі. Пікірсайыс - жас буынның сыни ойлау мен ұтымды қарсылықтарын келтіре отырып өзекті мәселені жоғары деңгейде шешу жолдарын үйрететін, азаматтық ұстанымды қалыптастырып, көшбасшылық қасиеттерін дамытатын, жастардың тұлға болып қалыптасуында үлкен үлес қосатын өнер.

ТЭО CUP республикалық турнирінің университет қабырғасында өтуі – тың және озық идеялы жастарды анықтауда маңызды оқиға. Нәтижесінде, турнир жаңа талапкерлерді тарту, университет дебатын қалыптастыру, академиялық ортаға үлес қосу, БАҚ серіктестерді тарту мен өзіндік бренд пен имидж қалыптастыруда маңызды.

Modern Kazakh – заманауи қазақстандық қоғамның бет-бейнесі, оның құндылықтары, болашағы және жаһандану жағдайындағы орны. Турнир тематикасы жастардың қоғамның өзекті мәселелерінде тысқары қалып кетпей, өз үлестерін қосуға, азамат деген атқа лайық болуға баулиды. Пікірсайысқа жастарды тарту – прогрессивті, әділетті және саналы қоғам құрудың маңызды қадамы

Турнир Альфа және Бетта лигаларында өтеді.  Ойынның өту форматтары келесідей: Британдық парламенттік формат (БПФ), Америкалық парламенттік формат (АПФ) және Линкольн-Дуглас (ЛД).

Пікірсайыста қамтылатын негізгі тақырыптар:

  • Қазіргі Қазақстандағы әлеуметтік өзгерістер
  • Экономикалық даму мен инновациялар
  • Жастардың рөлі және жаңа көшбасшылар
  • Ұлттық бірегейлік пен жаһандану

ТЭО CUP XIV турнирінің қонақтары:

  1. Мақсат Халық – SANA FOUNDATION Қоғамдық Қорының, SANA BUSINESS ACADEMY төрағасы
  2. Ерболат Мұхамеджан – экономист, журналист және қоғам қайраткері.
  3. Руслан Сұлтанұлы Желдібай — Қазақстан Республикасының Президентінің кеңесшісі – Президенттің баспасөз хатшысы.

Республиканың ең мықты пікірсайысшылары қоғам мен экономикадағы, әлеуметте болып жатқан өзекті мәселелерді әртүрлі қырынан қарастырып, өз ойлары мен ұсыныстарын дәлелмен келтіре отырып ең үздік дебат ойыншысын анықтайтын болады.  ТЭО CUP XIV турнирі – қоғамдағы өзекті мәселелерге жаңаша көзқараспен қарап, креативті шешімдер ұсынудың, сыни және коммуникативті дағдыларды дамытып, өзгерістерге ықпал ете алатын болашақ көшбасшыларды дайындаудың кәсіби алаңы. 

Турнир негізінде күтілетін нәтиже:

  • Университет беделінің артуы
  • Жаңа талапкерлер мен серіктестерді тарту
  • Үздік пікірсайысшыларды анықтау
  • БАҚ көздеріне шығу

Осы орайда, өткізілейін деп отырған бұл ауқымды турнирдің жаңалықтарын жіберіп алмас үшін ТЭО ЖПМ әлеуметтік желілерін бақылап отырыңыз.

Күні: 5-6 сәуір 2025 жыл.

Уақыты: 9:30

Өтетін орны: Жандосов көшесі 55, Нархоз Университеті