Астанада әйелін өлтірген ер адам 25-қабаттан секіріп тірі қалды

Астанада ер адам азаматтық некедегі әйелін пышақтап өлтіріп, артынша 25-қабаттан секіріп кеткен, деп хабарлайды Bugin.kz порталы.

"Алдын ала мәліметтерге сәйкес, азаматтық некеде тұратын ер мен әйел арасында жанжал туындап, сол кезде ер адам әйелге пышақ жарақатын салған. Кейін ер адам тұрғын үйдің 25-қабатынан секіріп кеткен. Ауыр жарақат алған ер адам тірі, қазір ауруханада. Қылмыстық іс қозғалып, тергеу басталды", - деп хабарлайды Астана полиция департаменті.

Әлеуметтік желідегі ақпаратқа сүйенсек, марқұм әйелдің артында екі баласы қалған.