Шымкенттік шенеуніктің үстінен қылмыстық іс қозғалды

Шымкент қаласы Тұрғын үй басқармасының басшысы Нұрбол Жүнісбековтің ұсталғаны туралы ақпарат тарады, деп хабарлайды Bugin.kz порталы.

"Курсив" басылымы таратқан мәліметке сүйенсек, 40 жастағы шенеунікке қызметтік өкілеттігін асыра пайдаланды деген айып тағылған. Тергеу мүддесіне байланысты істің толық мазмұны әзірге жария етілмеді.

Жүнісбеков аталған басқармаға 2025 жылдың наурызында басшылыққа келген.

Журналист Михаил Козачковтың Telegram-арнасында жариялаған дерегінде оның елордада ұсталғаны айтылады. Ал Шымкент әкімдігі болса, шенеуніктің еңбек демалысы кезінде ұсталғанын мәлімдеді.