Тоқаевтың ғылыми кеңесшісі болған Сыроежкин ұсталды

Танымал қытайтанушы Константин Сыроежкин тұтқындалды деп жазады Qamshy.kz ақпарат агенттігі centrasia.org сайтының дерегін негізге алып.

"Қазақстандағы арнайы жасақтың көмегімен танымал политолог К.Л Сыроежкин ұсталды. Ол бірнеше жыл бойы Қазақстандағы Қытайды зерттеп жүрген жетекші маман ретінде саналып келген еді. Сондай-ақ Константин Сыроежкин докторлық диссертациясын жазған Тоқаевқа ғылыми кеңесші болған. Тексеріс барысында, Сыроежкин тыңшы деген күдікпен ұсталды", - делінген хабарламада.

Айта кетсек, Тоқаев 2001 жылы Мәскеу қаласы Ресейдің Дипломатиялық академиясының өзекті және халықаралық проблемалары институтында докторлық диссертациясын қорғады.