САЯСАТ
«Қазмедиа» орталығында Президент Қасым-Жомарт Тоқаев республикалық референдумды қолдау мақсатында үгіт-насихат жұмыстарына атсалысқан жастармен жүздесті. Кездесу барысында Мемлекет басшысы еліміздегі саяси реформаларды халыққа түсіндіруде белсенділік танытқан еріктілер мен жас мамандарға ризашылығын білдірді, деп хабарлайды Bugin.kz.
Фото: Aqorda
Қасым-Жомарт Тоқаев жаңа Конституцияның жастарға арналған басымдықтарын атап өтті. Атап айтқанда, волонтерлік, ғылыми ілгерілеу және жасанды интеллект сияқты заманауи ұғымдардың Ата заң деңгейінде бекітілуіне тоқталды.
«Шын мәнінде, бұл күн ел өмірінде мәңгі сақталады. Енді 15 наурыз – Конституция күні болып белгіленеді. Бұл – еліміздің басты құжаты. Мен басқа да мемлекеттердің конституцияларымен танысып шықтым. Біздің Конституциямыз ең үздік Ата заңдардың қатарында тұрады деп сеніммен айта аламын», - деді Мемлекет басшысы.
Бір айдың ішінде жастар түрлі форматтағы 5 мыңға жуық іс-шараны ұйымдастырып, оған 1,5 миллионнан астам адамды қамтыды. Кездесу барысында белсенділер мемлекет тарапынан жүзеге асырылып жатқан реформалар мен оң өзгерістерді толықтай қолдайтындарын мәлімдеді.
Bugin.kz
Қосымшаны жүктеп алыңыз
