ДАМУ
Аэроғарыш саласының көшбасшысы саналатын SpaceX алдағы жазда қор нарығындағы ең ірі бастапқы орналастыруды (IPO) жүзеге асыруды жоспарлап отыр. Bloomberg агенттігінің мәліметінше, SpaceX компаниясы АҚШ-тың Бағалы қағаздар және биржалар жөніндегі комиссиясына өтінімдерін жолдаған, деп хабарлайды Bugin.kz.
Фото: globelynews.com
Жоспар сәтті жүзеге асса, инвесторлар осы жылдың маусым айында-ақ SpaceX акцияларына қол жеткізе алады.
Сарапшылардың болжамына сүйенсек, листинг кезінде компанияның жалпы капитализациясы 1,75 триллион долларды құрауы тиіс. Бұл заманауи технологиялық алпауыттар үшін де өте сирек кездесетін орасан зор көрсеткіш болмақ.
SpaceX-тің биржаға шығуы бірнеше тарихи рекордты жаңартуы мүмкін. Компания IPO арқылы 50-ден 75 миллиард долларға дейін қаражат тартуды көздеп отыр. Бұл сома 2014 жылғы Alibaba-ның ($22 млрд) және 2008 жылғы Visa-ның ($18 млрд) қол жеткізген нәтижелерінен үш еседен де асып түседі.
Bugin.kz
Қосымшаны жүктеп алыңыз
Ұсыныстар мен байланыс үшін
8 705 324 11 61
