Қазақстанда биыл әскери парад өткізілмейді

Қорғаныс министрлігі биыл Отан қорғаушылар күні мен Жеңіс күніне арналған әскери парадтың өткізілмейтінін, оның орнына мерекенің мазмұнын ашатын бірқатар әскери-патриоттық іс-шаралар ұйымдастырылатынын мәлімдеді.

Жоспар бойынша елімізде ерлік сабақтары, әскери техника көрмелері, оркестрлер шеруі мен «Солдат ботқасы» акциясы сияқты шаралар өтіп, үздік қызметкерлер мен ардагерлерге ерекше құрмет көрсетіледі. Экологиялық акциялар мен ашық есік күндерін қамтитын бағдарламалар мерекелік рухты парадсыз-ақ жоғары деңгейде сақтауды көздейді.