Сенат депутаты С. Алдашев «Қорғас» торабында Қазақстан консулдығын ашу туралы ұсыныс айтты

Мәселені шешудің нақты жолы ретінде Сенат депутаты С. Алдашев «Қорғас» торабында консулдық ашуды ұсынып отыр. Бұл жай ғана дипломатиялық өкілдік емес, шекарада қиындыққа тап болған азаматтардың мүддесін тікелей қорғайтын жедел әрекет ету орталығына айналмақ.

Сенатордың пікірінше, логистикадағы теңсіздікті жоюдың уақыты келді. Ол отандық тасымалдаушылардың Қытайға еркін кіріп-шығуына жағдай жасап, «жүксіз шығуға болмайды» деген шектеуді алып тастауды талап етті. Бұл қадам қазақстандық жүргізушілердің транзиттік мүмкіндіктерін теңестіруге тиіс.

Инфрақұрылымдық кедергілерді жою мақсатында депутат «Қорғасқа» ресми өткізу пункті мәртебесін беруді ұсынды. Бұл бастама арнайы экономикалық аймақтарды бір-бірімен тікелей байланыстырып, авто және теміржол қатынасын жеңілдетпек. Нәтижесінде, тасымал жылдамдығы артып, бюрократиялық тізбектер қысқарады.

Айта кетейік, соңғы үш жылда автокөлік тасымалының 2,5 есеге күрт өсуі шекарадағы өткізу қабілетінің шегіне жеткенін көрсетті. Ендігі кезекте «тар жерлерді» жою техникалық мәселе емес, еліміздің транзиттік әлеуетін сақтап қалу үшін стратегиялық басымдыққа айналды.