Қазақстандық курсант дрондардың сигналын бұғаттайтын жаңа құрылғы ойлап тапты

ҚР Қорғаныс министрлігінің мәліметінше, жаңа құрылғының басты артықшылығы — оның шағын көлемі мен жоғары мобильділігінде. Өнертабыс дрондар мен Wi-Fi желілерінің басқару және байланыс арналарын басып, олардың әуедегі әрекетін толығымен бұғаттай алады.

«Бұл оқуды таңдаған себебім, әскери адам болуды армандадым. Форма киюді әкеме қарап үлгі еттім. Қазіргі таңда сол арманыма жетіп, қалаған мамандығымда оқып жатырмын. Ойлап тапқан өнертабысымның өзі мамандығыма байланысты болып келеді», – деді Шыңғысхан Шынтеміров.

Курсант ойлап тапқан құрылғы 2,4 – 2,5 ГГц диапазонында жұмыс істейді. 

Радиоэлектронды бұндай күрес құралдары қазіргі заманғы ұрыс алаңында әскердің қауіпсіздігін арттыруға үлкен үлес қосады.