ҚР Президенттігіне бесінші кандидат ресми тіркелді

Орталық сайлау комиссиясы "Ауыл" партиясының кандидаты Төлеутай Рақымбековті ресми түрде президенттікке үміткер ретінде тіркеді. Ол sputniknews.kz хабарлайды.

ОСК отырысында Төлеутай Рақымбеков 15 өңірден 120 754 қол жинаған.

"Қазақстан президенттігіне кандидаттарды қолдау үшін кемінде 118 140 қол жинау керек. Аумақтық сайлау комиссияларының хаттамаларында сәйкес, Төлеутай Рақымбековті Қазақстанның 15 өңірінен 122 309 адам қолдаған. 120 754 қол есепке алынды", - деді Орталық сайлау комиссиясының мүшесі Ақылбек Ихданов.

"Ауыл" партиясының кандидатына Қазақстан президенттігіне үміткердің куәлігі табысталды.

Президенттікке кандидат Төлеутай Рақымбеков

Брифингте Төлеутай Рақымбеков қол жинау барысындағы кемшіліктерге байланысты түсініктеме берді.

"Куәлікті алғаныма өте қуаныштымын. Көпшілік болып жұмыс істеген соң, кемшіліктер болады. Дәлелдеп әрқайсысын айта алмаймын. Мен қолдарды есептеп көрдім. 1555 қол тіркелмепті. Осыған дейін үміткерлер ресми түрде президенттікке кандидат ретінде тіркелді. Төрт кандидаттың қол жинау кезінде кемшіліктер болды", - деді ол.

Кезектен тыс президент сайлауы

Қазақстанда кезектен тыс президент сайлауы 2019 жылдың 9 маусымында өтеді.

Кандидаттарды тіркеу 11 мамырға дейін жалғасады. Әр кандидат 118 140 сенімді сайлаушының қолын жинауы тиіс.