Балқаш көлінде демалушылардың қауіпсіздігіне қатер төндірген жүргізуші әкімшілік жауапкершілікке тартылды

Оқиға Балқаш көлінің Үлкен ауылындағы жағажай аумағында орын алған. Тексеру барысында автокөлік жүргізушісінің халық көп жиналатын шомылу аймағында көлікпен қауіпті маневрлер жасағаны анықталды.

Куәгерлердің айтуынша, маңайдағы азаматтар жүргізушіден тоқтауды бірнеше рет сұрағанымен, ол қоғамдық қауіпсіздік ережелерін ескермей, жауапсыздық танытқан.

Тәртіп сақшылары бейнежазба бойынша жедел-іздестіру шараларын жүргізіп, құқықбұзушының жеке басын толық анықтады. Қолданыстағы заңнама талаптарына сәйкес, азаматқа қатысты тиісті әкімшілік хаттама толтырылып, заңды жаза қолданылды. Полиция қызметкерлері азаматтарды қоғамдық орындарда және су айдындары маңында қауіпсіздік ережелерін қатаң сақтауға шақырады.