«Lotus Fest - 2026»: Фестивальге келген туристер жантақ, ошаған қаптаған жолға қынжылды

Лотос — арнайы экожүйе мен таза сулы ортада ғана өсетін, Қазақстан үшін өте сирек кездесетін өсімдік. Жыл сайын шілде мен тамыз айларында су бетін шарпыған қызғылт кілемді көру кез келген саяхатшы үшін бірегей әсер қалдырады. Бұл жылы да фестиваль ұйымдастырушылары келген қонақтарға қайықпен серуендеуді, этноауыл тынысымен танысып, ұлттық спорт пен концерттік бағдарламаларды тамашалауды ұсынды.

Алайда табиғат сұлулығына тәнті болған туристердің қуанышын жол сапасы мен инфрақұрылымның олқылықтары көлеңкеледі. Жантақ, ошаған қаптаған, тегіс арамшөп басып кеткен сүрлеумен қатынау саяхатшыларға үлкен қолайсыздық тудырған. 

Қазіргі уақытта әлеуметтік желіде фестивальге қатысты бейнелер кеңінен таралуда.