ҚОҒАМ
Әлеуметтік желі кеңістігінде Астана қаласындағы жоғары оқу орнына қызы оқуға түскен отбасының ашық үндеуі кеңінен таралып, жұртшылық арасында қызу талқылау тудырды. Студенттің ақылы бөлімге қабылдануына байланысты ата-ана жақындары мен таныстарына алдағы 4 жыл көлемінде қонаққа бара алмайтындарын ресми түрде мәлімдеген, деп хабарлайды Bugin.kz.
Фото: Ашық дереккөз
Бұл оқиға қазіргі қоғамдағы отбасылық бюджетті жоспарлау мен бала біліміне инвестиция салу мәселесін қайта күн тәртібіне шығарды. Отбасы мүшелерінің сөзінше, көпбалалы шаңырақ үшін жоғары оқу орнының жылдық төлемақысы — шамамен 1 миллион теңгені құрайды. Осыған байланысты ата-ана 2030 жылға дейінгі кезеңде артық шығындарды қысқартып, барлық қаржылық ресурстарды тек білім алу процесіне бағыттау туралы принципиалды шешім қабылдаған. Олар туған-туыстарынан бұл шешімге түсіністікпен қарап, 4 жыл бойы түрлі жиын-тойларға шақырмауды өтінген.
Әлеуметтік желі қолданушылары бұл үндеуге түрлі пікір білдіруде. Бірқатар азаматтар отбасының бұл қадамын жауапкершіліктің, ұзақ мерзімді жоспарлаудың және ұрпақ болашағына деген қамқорлықтың үлгісі ретінде жоғары бағалады. Ал кейбір сарапшылар бұл жағдайдың артында жоғары білім беру саласындағы баға саясаты мен әлеуметтік қолдау механизмдерін одан әрі жетілдіру қажеттілігі жатқанын алға тартады.
Bugin.kz
Қосымшаны жүктеп алыңыз
Мемлекеттік сатып алу бойынша
8 705 324 11 61
