Қызылордада жаңадан жастар орталығы ашылды

Жаңа ресурстық орталық Сырдарияның сол жағалауында орналасқан.

Авторларды қолдау орталығы

mediabugin@gmail.com

Ресурстық орталықта IT-park, антикафе, интернет, кітапхана, жаттығу залы қарастырылған және тәулік бойы жұмыс істейтін болады. Қызылорда облысының әкімі Қырымбек Көшербаев облыс жастарын заманауи ресурстық орталықтың ашылуымен құттықтады.

«Әрине, аға ұрпақтың ізгі ісі – жастарға оң жағдай жасау. Биылдың өзінде аймақта мемлекеттік жастар саясатын жүзеге асыруға 500 млн-нан аса қаржы қаралса, Қазақстан Республикасының Тұңғыш Президенті, Елбасы Нұрсұлтан Әбішұлы Назарбаевтың жариялаған биылғы "Жастар жылына" орай қосымша 70 млн қаржыға жаңа бастамалар бірінші кезекте қолдау тапты», - деді аймақ басшысы.

Айта кетейік, облыс әкімінің тапсырмасымен ресурстық орталық тәулік бойы жұмыс істейтін болады.

Жастар орталығы ғимараты бизнестің әлеуметтік жауапкершілігі негізінде «ҚазГермұнай» Біріккен кәсіпорны» ЖШС демеушілік қолдауымен пайдалануға беріліп отыр.

Аталмыш орталық интернет-кітапхана және антикафе, IT-парк, жаттығу және конференц-залдарын қамтиды.

Жалпы, соңғы бес жылда жастар арасындағы жұмыссыздық деңгейі тұрақты төмендеп (5,1-ден 4,2-ге), экономикалық белсенді жастардың саны артты (3 мың жасқа).

Бүгінде Сыр өңірінің 510 түлегі Ресей Үкіметі грантымен Мәскеу мен Санкт-Петербургтегі инженерлік жоғарғы оқу орындарында білім алуға мүмкіндік алды. Ал, 900 жуық дарынды да талапты ауыл балалары облыс әкімінің арнайы грантымен республиканың озық жоғары оқу орындарында аймаққа қажетті мамандықтарды игеруде. Сонымен қатар, 4,5 мыңнан астам сырбойылық жас «Серпін» бағдарламасы аясында орталық, шығыс-солтүстік аймақтарының оқу орындарында оқып жатыр.

Айдар

Айдар

Беттер

ПРОФИЛЬ

Қызылордада жаңадан жастар орталығы ашылды