ҚОҒАМ
Әулиекөл ауданы прокуратурасының тексерісі барысында кәсіпкерлік бастамаларды қолдауға бөлінген бюджет қаражатын тиімсіз жұмсау жағдайы анықталды. Тексеру қорытындысы бойынша, мемлекеттік бағдарлама аясында бөлінген қаражаттың белгіленген талаптарға сай жұмсалмағаны белгілі болды, деп хабарлайды Bugin.kz.
Фото: Ашық дереккөз
2023 жылы жергілікті тұрғынға бизнесті дамыту мақсатында 1,38 миллион теңге көлемінде қайтарымсыз грант бөлінген. Жоба аясында сатып алынған құрал-жабдықтар мәлімделген міндеттерді орындауға пайдаланылмаған. Сондай-ақ алынған техниканың сипаттамалары есептік құжаттарда көрсетілген мәліметтерге сәйкес келмейтіні расталды.
Аталған факті негізінде өңірлік прокуратура ұсынған материалдарға сәйкес алаяқтық белгілері бойынша сотқа дейінгі тергеп-тексеру амалдары басталды. Заң бұзушылықтың мән-жайын толық анықтау мақсатында тиісті іс-шаралар жүргізілді.
Тергеу әрекеттері барысында азамат өз кінәсін толық мойындап, мемлекеттік бюджетке келтірілген 1,38 миллион теңге көлеміндегі залалды өз еркімен қайтарды. Залалдың толық өтелуіне байланысты кылмыстық іс ақталмайтын негіздер бойынша тоқтатылды.
Қадағалаушы орган мемлекеттік гранттардың тек нақты бизнес жобаларды жүзеге асыруға бағытталатынын ескертеді. Бюджет қаражатын мақсатсыз жұмсау фактілері анықталған жағдайда кінәлі тұлғалар Қазақстан Республикасының қолданыстағы заңнамасына сәйкес қатаң жауапкершілікке тартылады.
Bugin.kz
Қосымшаны жүктеп алыңыз
Мемлекеттік сатып алу бойынша
8 705 324 11 61
