ЖСДП Құрылтайдағы 8 депутатын таныстырды

ЖСДП өкілдері Құрылтайдың алғашқы құрамына енген партия мүшелері мен кандидаттардың тізімін ұсынды. Депутаттық мандатқа ие болғандар қатарында партия басшылығы, өңірлік филиал өкілдері, сарапшылар және қоғам белсенділері бар.

ЖСДП атынан Құрылтай депутаты атанғандар:

1. Асхат Рахимжанов – ЖСДП төрағасы, VIII шақырылым Мәжілісінің депутаты, Социалистік интернационалдың вице-президенті.
2. Максут Насибулов – ЖСДП Орталық аппаратының жетекшісі.
3. Нұрайнаш Камалова – ЖСДП Атырау облыстық филиалының төрағасы.
4. Лариса Ли – «PANA» жобасының жетекшісі.
5. Аслан Күлмагамбетов – ЖСДП Астана қалалық филиалының экологиялық саясат мәселелері жөніндегі сарапшысы.
6. Арман Ақылбай – ҚР Әділет министрлігі Персоналмен жұмыс департаментінің директоры.
7. Наурыз Сайлаубай – ЖСДП жастар қанатының жетекшісі, VIII шақырылым Мәжілісінің депутаты.
8. Ажар Сағандықова – VIII шақырылым Мәжілісінің депутаты, ЖСДП Әйелдер қанатының жетекшісі.

Партияның мәліметінше, жаңа құрамда тәжірибелі саясаткерлермен қатар жастар қанаты мен өңірлік құрылымдардың өкілдері де бар.

23 тамызда өткен сайлау Қазақстанның бір палаталы Парламентін қалыптастыруға жол ашты. Сайлау қорытындысы бойынша партиялар алған дауыс санына сәйкес Құрылтайдағы депутаттық мандаттарға ие болды.

ЖСДП Құрылтайдағы 8 өкілі арқылы әлеуметтік саясат, азаматтардың құқықтарын қорғау, экология және өңірлерді дамыту мәселелерін көтеруге ниетті.