Алматы әуежайында FlyArystan ұшағы өртенді: бір қызметкер жарақат алды

Алматы әуежайында FlyArystan әуе компаниясының ұшағында техникалық жұмыстар жүргізу кезінде өрт шықты. Бұл ақпаратты әуе компаниясының баспасөз қызметі растады.

Алдын ала мәлімет бойынша, оқиға жоспарлы жұмыстар барысында болған. Ұшақта жергілікті деңгейде өрт тұтанып, оны әуежайдың жедел қызметтері қысқа уақытта сөндірген.

Өрт кезінде Air Astana тобының бір қызметкері жарақат алды. Оған қажетті медициналық көмек көрсетіліп, кейін ауруханадан шығарылған.

Оқиға кезінде әуе кемесінің бортында жолаушылар мен экипаж мүшелері болмаған.

Қазіргі уақытта ұшақ уақытша пайдаланудан шығарылды. Оқиғаның нақты себептері анықталып жатыр.