Қазақстанда бір айда 166 мыңнан астам көлік тіркелді

Қазақстанда автокөлік саны артып келеді. Тамыз айында елімізде 166 547 автокөлік мемлекеттік тіркеуден өтті. Тіркелген көліктердің басым бөлігін жеңіл автомобильдер құрады. Олардың үлесі жалпы көрсеткіштің 87,5 пайызына жетті.

1 қыркүйектегі жағдай бойынша Қазақстанда тіркелген автокөліктердің жалпы саны 6,1 миллионға жуықтады. Бұл көрсеткішке жеңіл, жүк көліктері, автобустар, шағын автобустар және мотоциклдер кіреді.

Елдегі жеңіл автомобильдердің саны 5,1 миллионға жетті. Сонымен қатар 496,1 мың жүк көлігі, 89,5 мың автобус пен шағын автобус және шамамен 75 мың мотоцикл тіркелген.

Қазақстандағы көлік паркінің негізгі бөлігін жеңіл автомобильдер құрап отыр. Ал тамыз айындағы тіркеу көрсеткіші елдегі автокөлік санының тұрақты түрде өсіп келе жатқанын көрсетеді.