Өрт сөндіру кезінде құтқарушы әріптесінің көлігіне қағылып қаза тапты

Қайғылы жағдай өртті сөндіру жұмыстары барысында болған. Марқұм өрт сөндіру бөлімінде взвод командирі қызметін атқарған.

Миршат Халиуллиннің әкесі оқиғаның қалай болғанын айтып берді. Оның сөзінше, өрт орнында жұмыс істеп жатқан кезде құтқарушыны әріптесі басқарған қызметтік көлік қағып кеткен. Көлік жүргізушісі қою түтіннің салдарынан оны дер кезінде көрмегенін түсіндірген.

Соққыдан кейін құтқарушы ауыр жарақат алған. Алайда дәрігерлерге жеткізу кезінде оның жағдайы күрт нашарлап, ол ауруханаға бара жатқан жолда қайтыс болған.

Марқұм отбасының негізгі асыраушысы болған. Артында әкесі, інісі және қарындасы қалды.

Төтенше жағдайлар министрлігі Миршат Халиуллиннің қызметтік міндетін орындау кезінде қаза болғанын растады. Министрлік тарапынан марқұмның жақындарына қажетті көмек көрсетіліп жатқаны хабарланды.

Қазіргі уақытта оқиғаның толық мән-жайы анықталуда.