Алматыда 9 мыңнан астам электросамокат айып тұрағына қойылды

Полиция мәліметінше, 1 шілдеден бастап электросамокаттарды пайдалануға қатысты жаңа талаптар күшіне енген. Қазір қалада осы нормалардың сақталуына байланысты тексеру жұмыстары жүргізіліп жатыр.

Кикшеринг компаниялары самокаттардың техникалық тұрғыдан жарамды болуын және әр көлікте сәйкестендіру нөмірінің болуын қамтамасыз етуге міндетті. Сонымен қатар компаниялар кәмелетке толмағандардың электросамокат пайдалануына жол бермеуі тиіс.

Жаңа талап бойынша электросамокатты кез келген санаттағы жүргізуші куәлігі бар азамат пайдалана алады. Полиция өкілдері самокаттардың жол қозғалысына қатысатын көлік құралы ретінде қауіпсіздік талаптарына сай қолданылуы маңызды екенін атап өтті.

Қазір Алматыда кикшеринг қызметтерінің жұмысы мен электросамокаттардың талаптарға сәйкестігі тексеріліп жатыр. Тәртіп бұзған жағдайда самокаттар айып тұрағына қойылады.