Қазақстанда пошта және курьерлік қызметтер көлемі 57,2 млрд теңгеге жетті

Жалпы көрсеткіштің 13,4 млрд теңгесі халыққа көрсетілген қызметтерге тиесілі.

Қызмет көрсету көлемі бойынша Алматы қаласы көш бастап тұр. Оның үлесіне жалпы көлемнің 58,7%-ы, яғни 33,6 млрд теңге тиесілі.

Екінші орында Астана қаласы орналасқан. Елордада пошта және курьерлік қызметтердің көлемі 7,6 млрд теңгені құрап, жалпы көрсеткіштің 13,2%-ын алды.

Ал Қарағанды облысында бұл көрсеткіш 1,8 млрд теңгеге жетіп, жалпы көлемнің 3,2%-ын құрады.

Ауылдық жерлерде көрсетілген пошта және курьерлік қызметтердің көлемі 2 млрд теңгені құрады.

Саладағы негізгі қызмет түрлеріне сәлемдемелерді, бандерольдер мен хат-хабарларды қабылдау, өңдеу, сұрыптау, тасымалдау және адресатқа жеткізу кіреді. Бұған қоса курьерлік жеткізу қызметтері де көрсетіледі.

Осы кезеңдегі көрсеткіштер Қазақстанда пошта және курьерлік қызметтерге деген сұраныстың сақталып отырғанын көрсетеді.